පුංචි පුළුං වලහෝ
පුංචි පුළුං වලහෝ
පුංචි උනත් ඔහේට දැන් තියෙනව ලොකු වැඩක්...
මං දන්නව ඔහේ ඒක කරාවි හරි අපූරුවට...!
දඟ කරන්නෙ එහෙම නැතුව...
බොරු කියන්නෙ එහෙම නැතුව
බයි ටික ඔක්කොම කාලා
කුක්කු ඩිංගකුත් බීලා
මූදු හතෙන් එතෙර වෙලා
කඳු අතරින් පියාඹලා..
කවදා හරි එනකං මම
උණුහුමටම තුරුල් වෙලා
සැපට නිදන් ඉන්න ඕන...
කවදා හරි ආපු දාක
සිද්ද වෙච්ච හැම දෙයක්ම
අහන තුරා ඉන්නෙ නැතුව
මගේ ඔඩොක්කුවට වෙලා
ගිරවෙක් වගේ කියන්නෝන
පුංචි පුළුං වලහෝ
පුංචි පුළුං වලහෝ
කවදාවත් ආයෙ එන්න
බැරි වී ගියොතින් හෙම මට
කලිං කියපු රාජකාරි
අකුරට ඉ‍ටු කරන්නෝන
දඟ කරන්නෙ එහෙම නැතුව...
බොරු කියන්නෙ එහෙම නැතුව
කඳුළක් වත් වැටෙන්නොදී
බලා ගෙනම ඉන්න ඕනෙ...
මං දන්නව ඔහේ ඒක කරාවි හරි අපූරුවට..!
පුංචි පුළුං වලහෝ
පුංචි පුළුං වලහෝ
