පොඩි එකාට හරි සතු‍ටුයි

ඇති යන්තම් ඔන්න ගූගල් මහත්තුරුන්ටත් අපිව පෙනිල එහෙනම්. ලොග් එක පටන් ගත්තු දවසෙ ඉඳලම කලේ සැරෙන් සැරේ ගූගල් වලට ගිහින් මාව පේනවද කියල බලපු එක තමයි. ම්හූ පේන පාටක් නැහැනෙ. මගේ ගිණුමට පාවිච්චි කරල තියෙන්නෙ යාහූ තැපෑලක් නිසාවද්ද අවුල කියලත් හිතුන. පස්සෙ ගූගල් ගිණුමක් අළුතෙන් හදල වර්ඩ්ප්‍රෙස් ලොග් එකෙකුත් හැදුව. ඊටපස්සෙ ඒකවත් ගූගල්ට පේනවද බැලුව. ආ... ඔය ඉන්නෙ දෙවනි පේලියෙම. මාර සතු‍ටුයි. උන්නැහෙත් ඉතින් වෙලාවකට පොඩි එකානෙ. යටින් තියෙන ලින්ක් එකට කෙ‍ටුවම තමයි වැඩේ තේරුනෙ. හානේ මේ පෙනිල තියෙන්නෙ මගෙ බ්ලොග්ගර් ලොග් එකනෙ. තිබිච්ච හදිස්සියට ලින්කෙක බ්ලොග්ස්පොට් කියලවත් මීටර් උනේනෑ. මෙච්චර දවසක් කොහෙද මෙයා හිටියෙ. සමහරවිට ටික දවසක් යනව ඇති ගූගල් ට මාට්‍ටු වෙන්න. කොහොමහරි අත අරින්න හිටපු ලොග් එක ආයෙම ලියන්න ගත්තා ඕන්!