55. වීදියේ අපි...

ගූගල් ස්ට්‍රීට් එකෙන්
ඔයාලාගෙ ගෙදර ඇවිත්
ඇතුලට යාගන්න බැරුව
කැරකි කැරකි උන්නා මං

ඉස්සර නම් බයෙන් උනත්

කෙළිම්ම ගිය හැකි ඇතුලට
අවුරුදු කීයක් උනාද
හිතා ගන්න බෑ ඇත්තට... 

මිදුලෙ තිබුණු රන් තැඹිලිය

කපා දාල වගේ නේද? 
ඇඹ‍රැල්ලා ගහනම් ඔය
තියෙන්නෙ තව අපූරුවට. 

මතකද අපි උන්නු විදිහ

සිමෙන්ති බංකුවෙ හවසට
ඒ කාලේ ඒකෙ තිබුනෙ
සුදු පාටද කොහෙද නේද..? 

මල් ගස් නම් හරි පුදුමයි
තාමත් පණ තියෙනා රඟ
තණ කොල ටික මැරිල ගියේ
වාහනයක් වත් එනවද? 

ගේට්‍ටුවත් ඇරල දාල

තාප්පෙ කොලපාට ගාල
කාගෙද අර පුංචි ඇඳුම්
ඇනෙක්සියේ බබාලගෙද..?